NGLABRAK (Gunung Setyaningrat)

 

Srengenge isih nyunar ing parak esuk ana langit SMA Nusantara. Atine Nadia pancen lagi bungah-bungah lagi kasmaran karo si Asep. Ning rasa iki dumadhakan dadi keganggu rasa serik marang bocah anyar ning kelase. Bocah anyar iku asmane ³Arin. Arin bocahe meneng, kalem, ayu, tur pinter. Sedela wae Arin dadi kembang lambe para cowok ning SMA Nuswantara. Suwe saga suwe popularitase Nadia sing sakdurunge kondhang rada kegeseh.

Rasa serik ning Nadia tambah ngambrawara wae. Kanca-kancane sing cedhak uga sering manasi dheweke.

" Eh, Nad gebetanmu si Asep lagi nyedhaki si Arin barang, ya" mangkono unine Salma.

" ya ora lah. Isih ayu aku kok. Hahaha" wangsule Nadia.

“ Iya ya. Isih ayu dirimu pool” leme Salma.

Nuju sawijining dina ana lomba cerpen sekolah. Cekake lakon Nadia menang dadi juara 1. Nalika upacara Nadia didaulat maju ning ngarep. Cerpene Nadia oleh pangalembana merga judhule " Inner Beauty ".

"Selamat ya Nad?" Kandhane Bu KS.

" Terima kasih, Bu" wangsulane Nadia.

 " Silakan memberikan sambutan, Nad!" ucap Bu Guru Bahasa Indonesia.

"  Terima kasih, kawanku semuanya. Inner beauty adalah kecantikan dari dalam. Maka saya harap kita semua yang di sini memiliki hati yang cantik. Karena itu lebih utama daripada kecantikan wajah." mangkono intine sambutane Nadia ning acara penyerahan hadiah lomba cerpen esuk kuwi.

Dene Arin dadi juara favorit kanti judul "konsisten". Sawise upacara para kanca dha aweh ucapan slamet marang Nadi. Nanging rasa senrmg dumadhakan dadi cemburu nalika luwih akeh cowok sing aweh ucapan marang Arjn. Fahri cowok sing dianggep superstare SMA uga nyedhake Arin malah menehi kembang. Ora ketinggalan si Rozi sing kondhang cowok paling tajir. Sing mbarai tambah mongkog panas atine Nadia kuwi jebul si Asep uga aweh ucapan marang Arin.

Wis tambah panas lan serike atine Nadia. Nalika ngaso ning kantin Arin lagi ngemil dhewean. Embuh sing dienteni sapa.

Banjur njedhul rasa Nadia pingin nglabrak Arin. Nadia njur nyedhaki Arin.

" Bocah anyaran, sok ayu, sok cantik, kowe iki" mangkono pambukane labrakane Nadia. " Kabeh cowok mbok cedhaki ta? Pingin pamer ayu nyang aku?” mangkono bacutane leh nglabrak to the point nyang Arin.

Arin dadi abang mbranang rupane. Dheweke rumangsa ora duwe musuh lan ora pati kenal si Nadia iki kok dumadhakan nglabrak dheweke. Nanging Arin njajal tetep santai wae. Dheweke ngerti yen asline bocah ing ngarepe iki lagi cemburu buta wae. Dheweke ora  pusing wong wis duwe pacar sing lagi ning luar kota. Sekabeh cowok ning SMA Nusantara sing njajal nyedhake dheweke kuwi ora pati digape sakjane. Arin pingin nganggep kabeh kuwi kanca.

“ Omonga kowe!  Aja meneng wae!” Nadia nutugne anggone nglabrak. “ Cerpenmu kuwi ra berkelas blas, ora ana bobote babar pisan.  Elinga ya nduk. Kowe dadi juara favorit kuwi ora merga karyamu ning merga rupamu!” mangkono pangenyeke Nadia. Arin tetep meneng wae

Kedadean iku dadi sawang-sawangane bocah -bocah liya sing uga lungguh ngemil ning kantin. “ Tak kandani ya, Ora usah nyedhaki Asep. Asep ora bakal seneng kowe. Asep kuwi wis nggebet aku. Aja kemayu. Lan ora usah bungah kowe iki dicedhake Fahri. Fahri ngunu kondhang Playboy sekolahan iki. Aja macem-macem lan rasah kemayu dadi cah anyar. “ mangkono pungkase Nadia karo nyingkrih.

Sawise nyingkrih Arin rada lega. Ning ya rumangsa isin kok dilokne sok ganjen karo Nadia. Padahal dheweke sasuwene iki biasa-biasa. Wae.

“ Tenang aja. Ndak usah dipikirin” Dumadhakan ana  suara kang nenangne Arin. Suara iku muncul saka Dwi lan Reyna. Dwi lan Reyna pancen loro cewek sing paling akrab marang Arin.

“ Ya. Maturnuwun Dwi, Maturnuwun Reyn? Ra tak pikir kok.” Mangkono cekakane wangsulane Arin.

“ Ngunu kok sukses nggawe judhul inner beauty ya? Gombal amoh apa.  Ra nyawang gitoke kok seneng nglabrak tanpa ditelisik beritane” kandhane Dwi.

“ Husss.. wis ra usah dibahas  maneh, Dwi. “Wangsulane si Reyna sing pancen lembut atine iki moh mbacutke rasan-rasan marang Nadia.

Sauntara kuwi ning kelas Nadia katon puas bisa nglabrak si Arin. “ tak baleken buku iki, Nad” dumadhakan ana buku rada diuncalne ning ngarepe. Suara iku jebul si Asep sing mbalekne buku hadiahe kanggo Asep. “ Geneya, Sep?” pitakone Nadia.

“ Sampean nggawe aku isin wae. Aku ki kadung kandha marang kanca-kancaku. Aku iki pingin nyedhaki sampean merga aku yakin sampean iki bocah sing apik. Saliyane manis uga dhuwe ati kang resik.” Kandhane Asep.

“ Lha terus geneya?” Pitakone Nadia maneh.

“ Kabeh kuwi Bullshit bakne. Atiku rontok Nad. Sampean ora berperasaan ujuk-ujuk nglabrak Arin kaya ngunu ning Kantin. Akeh bocah sing ruh.  Healah…  aku isin, Nad.. Nad!” mangkono kandhane Asep.

“ Cerpenmu sing juara iki, judhule “ Inner Beauty”?” pitakone Asep karo nduduhke lempiran cerpene.

“ Bullshit” clathune Asep.

“ Aku kuciwa marang kowe. Wingi-wingi wis tak anggep kanca sing kena tak andhalne. Malah jujur  aku mulai ana rasa nyang sampean. Nanging dina iki rasa mau ajur sakwalang-walang” ngunu Asep leh mbacutke.

 Nadia kaya disamber gludhug wae rasane. Banyu luhe langsung mancur nelesi pipine. Dheweke rumangsa getun marang tumindhake ning kantin mau.

“ Asep, sepurane,  sep!” …. Pocape Nadia.

“ Njaluka sepura menyang Arin.” Wangsule